|
|
|
|
|
|
|
BIZKAIA ANIZTASUNEN ALDE
|
|
|
|
BIZKAIA ANIZTASUNEN ALDE Bizkaiko Foru Aldundiaren babesa duen UN Etxearen ekimena da eta egunero aniztasuna zaintzen duten pertsonei eta gizarte-erakundeei garrantzia ematen diena, udalerrietatik eta eskubideen ikuspegitik, berdintasunaren, bizikidetzaren eta bakearen balioak garatzeko eta sustatzeko iturri gisa.
Aniztasun kultural, funtzional eta afektibo-sexualak, besteak beste, gure lurraldearen errealitatearen parte dira, eta kontuan hartu beharreko bizitza kulturalaren eta komunitarioaren elementuak dira, gure udalerriak aniztasunaren gune inklusibo eta hartzaile bihurtzeko, zentzurik zabalenean.
Ekimen hau garatzeko, kolektibo bakoitzaren arazo bereziak hartzen dira kontuan, nahiz eta aniztasunak pertsona guztioi eragiten digula duen ardatz, aniztasuna gure gizartearen egiturazko elementua baita. Ikuspegi intersekzionaletik abiatuta, aniztasun desberdinak gurutzatzean desberdintasuna areagotzen nola lagun dezaketen identifikatzen eta azaltzen dute. |
|
BIZKAIA ANIZTASUNEN ALDE herritarrentzako gonbidapena da hurbilen dituen testuinguruetan, hau da, udalerrian, aniztasuna ezagutu eta aintzat hartzeko, urte osoan zehar egingo diren jarduera eta kanpainen bidez. Urteurrenak eta nazioarteko egunak aukera paregabea dira herritarrak sentsibilizatu eta komunikabideen arreta erakartzeko, iritzi publikoari argitu gabeko arazoak daudela jakinarazteko asmoz. Era berean, UN Etxeak Nazio Batuen hainbat erakunderekin dituen harreman ofizialen estatusari esker, ekintza lokal horiek ezagutzera eman eta aurkezten ditugu nazioarteko foroetan, aipatutako egunak ospatzeko.
BIZKAIA ANIZTASUNEN ALDE ekimenaren aurrekariak "Getxo aniztasunen alde" ekimenean daude, UN Etxeak 2020an pentsatu eta sustatutako ekimenean, COVID-19aren pandemiaren erdian, Garapenerako Lankidetzaren Euskal Agentziaren eta Getxoko Udalaren laguntzarekin.
Gonbidatzen zaituztegu erreferentziazko pertsonei egindako elkarrizketak ikustera, beren udalerrietatik pertsona guztiek beren aniztasunetan dituzten eskubideak aldarrikatzen dituzten pertsonen testigantzak podcastean entzutera, erakusketa bisitatzera eta ikasgelako aniztasunak lantzeko unitate didaktikoa deskargatzera.
|
|
|
Bideopodcast |
|
|
|
|
|
|
|
|
Getxo aniztasunen alde |
|
|
|
|
|
|
|
|
|
|
|
Mobilizatu giza eskubideen alde! Mugi zaitez! Erakusketa |
|
|
Giza Eskubideen Adierazpen Unibertsalaren 75. urteurrenaren esparruan eta Nazio Batuen Giza Eskubideetarako Goi Komisarioaren Bulegoaren #Standup4humanrights kanpainari laguntzeko, UN Etxeak Ane Pikaza euskal artistak ilustratutako erakusketa ibiltari honen sorrera bultzatu du.
Giza eskubideak sexu-, kultura- eta funtzio-aniztasunaren ikuspegitik sustatzea du helburu, ikusleen konpromisoa eta ekintza sustatuz. Pertsonen oinarrizko eskubide eta askatasunak ezagutu, hausnartu eta betetzearekin konprometitzera gonbidatzen zaitugu, baita gizarte justu eta askotarikoen eraikuntzaren parte izatera ere
|
|
|
Unitate didaktikoak |
|
|
|
|
|
Podcast |
Espazio birtuala |
|
|
Proiektuari buruzko informazio gehiago Nerea Urrutiak sortutako espazio birtualean:
1. Metaverse aplikazioa deskargatu.
2. Eskaneatu QR kodea eta hasi esperientzia birtualarekin.
|
|
Ikastetxeak
2021etik, Bizkaiako Foru Aldundiko Enplegu, Gizarteratze eta Berdintasun Saileko Lankidetza eta Aniztasuneko Zuzendaritza Nagusiaren laguntzarekin, proiektuaren ikuspegia landu dugu Bizkaiko hainbat ikastetxeetan.
2022an, ikasgeletan lanean jarraitzeaz gain, eta zehazkiago, ikasleei Naizen, Amesten eta Mujeres con Voz elkarteetako pertsonen testigantzak helarazteaz gain, irakasleei lagun egiteko gida bat egin dugu. Gida horretan, hainbat baliabide aurki daitezke, edozein irakaslek proiektua ikasgeletara hurbildu dezan.
2024an, bideopodcast formatura jauzi egin dugu Bizkaia aniztasunen alde programarekin, desinformazioa eta sare sozialak, sexualitatea eta estereotipoak, feminismoak eta hezkidetza bezalako gaiak jorratuz. Era berean, Mobilizatu giza eskubideen alde! Mugi zaitez! erakusketaren fitxa didaktikoak egin ditugu.
|
|
|
Informazio gehiago Begoña Guzmán
|
|
|
Honako ekimen hau
|
Babeslea
|
|
Laguntzaileak
|
|
|
