Larunbatean, ekainaren 15ean, \u201cUraren Jaiaren\u201d 31. edizioa ospatuko dugu Arrigorriagan.\u00a0Bilbao Bizkaia Ur Partzuergoak\u00a0antolatzen duen ekitaldi horren bidez herritarrak, bereziki, gazteenak, ura zentzuz erabiltzearen inguruan kontzientziatzea da asmoa, ekosistema urtarraren biziraupenerako eta jasangarritasunerako funtsezkoa baita. Aurten ere, UN Etxeak parte hartuko du batez ere familientzako hitzordu ludiko-hezitzaile honetan, GJH 6aren inguruan sentsibilizatzeko.<\/p>\n
<\/p>\n
Arrigorriagako Udalaren laguntzarekin antolatu den ekitaldi ludiko hori\u00a010:30etik 19:00etara bitartean egingo da\u00a0udalerriaren zenbait tokitan, zehazki, Udaletxeko plazan eta Agirre Lehendakariaren parkean.<\/p>\n
<\/p>\n
Programatu diren 50 jarduera baino gehiagoren artean, larunbat honetan Arrigorriagara hurbiltzen direnek tailer didaktikoetan, tailer artistikoetan eta erakusketetan parte hartzeko aukera izango dute. Horrez gain, etxeko txikiek eta gazteek ondo baino hobeto pasatzeko hainbat jarduera izango dituzte: puzgarrien parke bat, ohe elastikoak, arrantzan egiteko eta txalupekin jolasteko igerileku txiki batzuk, ur-arrapala bat, ludoteka eta urari eta ingurumenaren babesari lotutako gaiak lantzeko beste hainbat jolas eta espazio.<\/p>\n
<\/p>\n
Uretako paintball-a, fotomatoia, skate-erakustaldiak eta eraikuntza-jolasak ez dira faltako. Jarduerak osatzeko, gainera, musika, kaleko animazioa, arte eszenikoak eta sarien zozketak ere egongo dira.<\/p>\n
<\/p>\n
Hori gutxi balitz, egun osoan zehar langile espezializatuek eskainitako\u00a0bisita gidatuak egongo dira Edateko Uren Tratamendutegiak (EUT) \u2014Ur Partzuergoak kudeatzen duen garrantzitsuenak\u2014 nola funtzionatzen duen ezagutzeko.\u00a0Betelurira iristeko autobusak jarriko dira, eta nahitaezkoa izango da aldez aurretik izena ematea jai-eremuan bertan.<\/p>\n
<\/p>\n
Bilbao Bizkaia Ur Partzuergoak gogorarazten du jarduerak Arrigorriagako herrigunean egingo direla, beraz, garraio publikoa erabiltzea gomendatzen da (Bizkaibus eta Renfe Aldiriak).<\/p>\n
<\/p>\n