Aste honetan, Anacláudia Rossbach, Nazio Batuen Erakundeko idazkariorde nagusia eta UN-Habitat (Giza Asentamenduetarako Nazio Batuen Programa) erakundeko zuzendari exekutiboa, eta Local2030 Coalitioneko presidenteordea, izan ditugu gurekin Euskadin.

Bere bisita aukera paregabea izan da Local 2030 Koalizioak Bilboko idazkaritzarekin ordezkatzen duen aliantza handia indartzeko eta euskal eragileek 2030 Agendarekin duten konpromisoa agerian uzteko, honako hauen bidez:

• GJHen aldeko Euskal Aliantzaren Gobernantza Taldearen eta Talde Eragilearen saioak.
• Harrera instituzionala udaletxean, Juan Mari Aburto alkatearekin.
• “Kultura, Kirola eta Garapen Iraunkorra: etorkizun komun baterantz” udako ikastaroaren irekiera. Bertan, hizlari gisa parte hartu genuen UPV/EHUrekin, Eusko Jaurlaritzarekin, Garapen Iraunkorrerako Espainiako Sarearekin (REDS-SDSN Spain) eta UIKrekin batera, 2030 Agenda eraikitzeko kirolak duen gaitasuna (eta erronkak) ikusarazteko pertsonen eta erakunde laguntzaileen sare handi batekin batera.
• Topaketa bat euskal sektore pribatuarekin, funtsezkoa GJHetan aurrera egiteko.

Biziki eskertzen dugu Anacláudiak Euskadin garapen bidezkoago, iraunkorrago eta kolaboratiboago batekin konprometitutako hainbat eragileren lana gertutik ezagutzeko eman duen denbora eta arreta.

2030 Agenda Euskadin eta Euskaditik kokatzeko lanean jarraitzen dugu.