HEZKUNTZA
ERALDAKETA SOZIALERAKO
UNESCOk zuzentzen eta koordinatzen du 4. Garapen Iraunkorrerako Helburua lortzeko prozesua: “Guztiontzako kalitatezko hezkuntza inklusiboa nahiz bidezkoa bermatzea eta etengabeko ikaskuntzarako aukerak bultzatzea”. Haren estrategiak honako ideia hau du oinarrian: hezkuntzak pertsonen, komunitateen eta gizarteen bizitza eraldatzen duela.
Lan horrekin bat eginez, honako jarduera hauek egiten ditugu Hezkuntza Eraldaketa Sozialerako programaren esparruan:
SUSTAPENA
Hezkuntza eraldaketa sozialerako tresna dela aldarrikatzen dugu, eta Euskal Autonomia Erkidegoko eta beste lurralde batzuetako hezkuntza-eragileekin elkarlanean dihardugu, inklusioan eta iraunkortasunean oinarrituta gizarteak eraldatzen laguntzen duten hezkuntza-ekimenak sustatzen.
PARTE-HARTZEA
UNESCOren Eskola Elkartuen Nazioarteko Sarean (PEA sarea) parte hartzen dugu. 182 herrialdetako 11.500 ikastetxek osatzen dute sarea, eta haren xedea da bakearen kulturarekin, giza eskubideekin, kulturartekotasunarekin eta iraunkortasunarekin lotutako esperientzien, proiektuen eta material didaktikoen trukea bideratzea. UNESCO Etxeak hezkuntza-programa hori kudeatzen du Euskal Autonomia Erkidegoan, eta Sarea estatu-mailan koordinatzen duen lantaldean ere parte hartzen dugu.
HEDAPENA
2030 Agendaren hedapenean lan egiten dugu, hura Euskal Autonomia Erkidegoko ikastetxeetan ezagutarazteko, ikasleak eta irakasleak informatuz eta sentsibilizatuz, eta GIHen aldeko ekitaldi kolektiboetan parte hartzera animatuz.
Halaber, UNESCOk hezkuntza eraldatzailearen alorrean argitaratutako dokumentuak eta txostenak zabaltzen eta euskaratzen ditugu; Munduko Hezkuntzaren Jarraipen Txostena, esate baterako.
LOTUTAKO BERRIAK
-
Badator Hezkuntzaren Aldeko Munduko Ekintza Astea!
Apirilaren 24tik 28ra Hezkuntzaren Aldeko Munduko Ekintza Astea (HAMA) ospatuko dugu. Aurten, #SAME2023 Espainian, genero berdintasunerako hezkuntza eraldatzailean jarriko dugu
-
Un Etxea zuzendaritza-funtzioaren I. estatu-kongresuan
UN Etxea martxoaren 24an eta 25ean gonbidatu zuten Zuzendaritza Funtzioaren I. Estatu Kongresura. Kongresu horren izenburua Zuzendaritzaren profesionalizazioa zentroaren autonomiarako
-
Jasangarritasunerako hezkuntza sustatzekoaren dekretua aurkeztu egin da
Eusko Jaurlaritzak jasangarritasunerako ingurumen-hezkuntza bultzatu eta sendotzeko dekretu berri bat onartu du gaur. Besteak beste, honako hauek aurreikusten ditu: iraunkortasunerako ingurumen-hezkuntzari buruzko