NBEren bekak
1997tik, Nazio Batuen beken programa kudeatzen dugu, Garapenerako Lankidetzaren Euskal Agentziaren bidez finantzatzen dena.
UN Etxeak egiten du bi urte arteko iraupena duten beka-programa horietan parte hartzen duten EAEko gazteen aukeraketa, prestakuntza eta jarraipena.
1997tik, 190 gazte izan dira beka horien onuradunak, eta pobretutako herrialdeetako UNESCOren bulegoetan aritu dira lanean. Hala, ibilbide profesional bat hasi dute nazioarteko lankidetzaren eta Nazio Batuen eremuan.
BBK-UNESCO
bekak
BBK Fundazioak eta UN Etxeak nazioartekotzeko bi beka eskaintzen dituzte urtero, Hezkuntza, Zientzia eta Kulturarako Nazio Batuen Erakundearen (UNESCO) Parisko egoitza nagusian praktika profesionala errazteko.
2014tik, Bizkaiko 15 gaztek izan dute sei hilabeteko iraupena duten beka horiez gozatzeko aukera. Bekaren onuradun izan diren pertsona guztiek beren lan-ibilbidea UNESCOn garatzeko aukera izan dute.
Prestakuntza-bekak Urdaibain
UN Etxeak, Natura Ondare eta Klima Aldaketa Zuzendaritzaren laguntzarekin, ordaindutako bi bekaren deialdia egiten du urtero, prestakuntza-praktika egonaldi bat egiteko Urdaibaiko Biosfera Erreserban.
Kultura-ondarean prestatzeko bekak
UN Etxeak, Bizkaiko Foru Aldundiaren Euskara eta Kultura Sailaren laguntzarekin, ordaindutako bi bekaren deialdia egiten du urtero, haren garapenerako kulturaren programan prestakuntza-praktika bat egiteko.
Giza eskubideetan prestatzeko beka
UN Etxeak, Genevako Nazioarteko Zentro Katolikoaren lankidetzarekin, Nazio Batuen Giza Eskubideen Kontseiluari eta haren tresna arauemaileei buruzko prestakuntza bat antolatzen du aldian behin Genevan.
Prestakuntza-bekaren programa horrek NBEren sistemaren giza eskubideen babeserako mekanismoen funtzionamendura hurbilpen praktiko bat egiteko aukera ematen du. Alde teorikoa Giza Eskubideen Kontseiluko hainbat instantziatan egindako partaidetza praktiko eta aurrez aurrekoarekin uztartzen du.
GizARTE Sarerako prestakuntza-bekak
UN Etxeak, Garapenerako Lankidetzaren Euskal Agentziaren laguntzarekin, GizARTE Sareko kideei kultura-erakundeetan prestakuntza-egonaldiak egiteko aukera ematen die, bai eta gizarte-eraldaketarako hezkuntzari lotutako nazioarteko egitasmoetan parte hartzeko aukera ere.
LOTUTAKO BERRIAK
-
Euskadiko 9 gazte Giza Eskubideen Kontseilura joan dira 54. Bilkura-aldian
Nazio Batuen Giza Eskubideen Kontseiluaren 54. bilkura-aldian, UN Etxeak eta Eusko Jaurlaritzako Giza Eskubideen, Biktimen eta Aniztasunaren Zuzendaritzak sustatutako beka-deialdiaren
-
Irailaren 25etik 28ra Genevara joango gara Giza Eskubideen Kontseiluaren 54. bilkura-aldian
Eusko Jaurlaritzako Giza Eskubideen, Biktimen eta Aniztasunaren Zuzendaritzarekin batera UN Etxeak bultzatutako beken deialdiaren bidez hautatutako 7 gazteak Genevara joango
-
BBK – UNESCO nazioartekotze bekak
Deialdia zabalik 2023ko URRIAREN 1era arte BBK eta UN Etxeak bi beka eskaintzen dituzte, Hezkuntza, Zientzia eta Kulturarako Nazio Batuen Erakundearen