UN Etxeak Basque Environment Ocean Week (BEOW) ekitaldian parte hartu du aurten ere. Laugarren edizioa 2025eko ekainaren 4tik 8ra egin da, Ingurumenaren Munduko Eguna (ekainaren 5ean) eta Ozeanoen Munduko Eguna (ekainaren 8an) ospatuz.

Ekitaldi honen helburua ingurumen kontzientzia sortzea eta ekonomia urdina sustatzea da, dibulgazio zientifikoaren eta lurraldeko funtsezko eragileen arteko topaketaren bidez. Edizio honetan, Planetaren Mugaketan eta lehorreko eta itsasoko ekosistemen babesean oinarritutako hainbat jarduera antolatu ziren. UN Etxeak, ekainaren 6an, Getxoko Punta Begoñan ozeanoei eskainitako lan-jardunaldian parte hartu zuen.

Irekiera instituzionala Ana Matak, Alberto Satolariak eta Sandra Moyek egin zuten, eta ezagutza zientifikoa enpresa- eta komunitate-ekintzarekin integratzearen garrantzia azpimarratu zuten.

Ondoren, Carlos Ruiz Fonseca CEOEko ordezkariak ekonomia urdinaren dekalogoa aurkeztu zuen, 2021az geroztik garatutako ibilbide-orria, jasangarritasun-helburuak enpresen ekoizpen-eraldaketarekin lerrokatzeko, hala nola deskarbonizazioa, digitalizazioa, biodibertsitatea, itsas garraio iraunkorra eta ozeano-hezkuntza.

Ondoren, parte-hartzaileen (GKE-en, enpresen, administrazio publikoaren eta gizarte zibilaren) arteko elkarrizketarako eta eztabaidatzeko gune bat ireki zen. Ozeanoen zaintzari eta iraunkortasunari lotutako hainbat ekimen partekatzeko eta “Lurralde Urdineko zer ondare utzi nahi dugu? Zein ekimen eta konpromiso aktibo gaude prest hartzeko hori lortzeko?” galderaren inguruan hausnarketa egiteko.

Partekatutako proposamen artean, ingurumen-hezkuntza eta alfabetatze ozeanikoa sortu ziren ardatz nagusi gisa, eta funtsezko elementutzat hartu ziren ohitura indibidualak eraldatzeko eta politika publiko eraginkorrak egituratzeko- Arlo horretan, UN Etxeak Garapen Iraunkorrerako Hezkuntza (GIH) sustatzeko duen zeregina nabarmendu zen. Ekitaldian izan zuen inplikazioa “Alfabetatze ozeanikoa: hezitzaileen eta gazteen ahalduntzea” baliabide pedagogikoaren aurkezpenean islatu zen.

Gida horri esker, irakasleek eta ikasleek modu praktiko eta kritikoan heldu ahal izango diete ingurumen-erronkei, eta jarrera arduratsuak eta irtenbide berritzaileak sustatuko dituzte, etorkizun erresilienteagoa bultzatzeko. Materiala Andrea Antúnez Roncerok egin zuen, Nekane Viota Fernándezek koordinatua eta Eusko Jaurlaritzaren, Nazio Batuen Garapen Iraunkorrerako Zientzia Ozeanikoen Hamarkadaren (2021-2030) eta UN Etxearen babesa duena.

UN Etxea erakundearen parte-hartzea funtsezkoa izan zen hezkuntzaren dimentsioa egiturazko aldaketan oinarritutako ekitaldi batean txertatzeko, baliabide zehatzak eta ikuspegi kritikoa emanez.

Jardunaldiari amaiera emateko, BEOW sariak banatu ziren, lurreko eta itsasoko ingurumen garbiago, erresilienteagoa eta jasangarriago baten alde ibilbide sendoa duten pertsona, erakunde eta proiektuentzat. Aintzatespen horiek hainbat sektoretatik eredu ekonomiko eta ekologiko bidezkoago eta arduratsuago baten alde lan egiten duten ibilbideak balioesten dituzte.