UN Etxeak 2025ean eta 2026an indartu du gizarte inklusiboago, anitzago eta baketsuagoa eraikitzeko konpromisoa, Bizkaia Aniztasunen Alde – Bizkaia por las Diversidades proiektua bultzatuz, Bizkaiko Foru Aldundiaren laguntzarekin eta II. Aniztasun eta Gizarte Kohesiorako Planari ekarpen gisa. Ekimen honek sentsibilizazioa, hezkuntza eta elkarrizketa guneak sortzea du helburu, aurreiritziak eta estereotipoak desaktibatzeko eta bizikidetza sustatzeko ikuspegi intersekzional eta giza eskubideen ikuspegitik.

Ikuspegi eraldatzailea

Proiektuak premisa argi batetik abiatzen da: aniztasun kulturala, sexuala eta funtzionala ez da oztopo bat, baizik eta komunitatearen bizitza aberasten duen balioa. Hala ere, oraindik ere badaude diskriminazioa eta bazterketa sortzen dituzten desberdintasun egiturazkoak. Errealitate hori irauli ahal izateko, UN Etxeak hezkuntza tresna giltzarri gisa hartzen du, hezkuntza formal, ez-formal eta informaleko esparruetan lan eginez eta giza eskubideak esperientzia errealekin lotuz, berdintasuna, justizia eta duintasuna bezalako balioak sendotzeko.

“Anitzak gara, baina eskubide eta betebeharretan berdinak”. Konbikzio horretatik abiatuta, Bizkaia Aniztasunen Alde ekimenak aniztasunak ikusarazten dituzten eta diskurtso diskriminatzaileak desegiten dituzten ekintzak sustatzen ditu, bai hezkuntza-inguruneetan, bai kultura- eta espazio digitaletan.

Helburuak eta asmoak

Helburu nagusia da Bizkaian giza eskubideekiko eta aniztasunekiko sentsibilizazioa eta konpromisoa indartzea, hezkuntza-baliabideetarako sarbidea zabaltzea eta historikoki baztertutako kolektiboen ikusgarritasuna handitzea. Aurreikusitako emaitzen artean nabarmentzen dira:

• Elkarrizketa inklusiboa eta gazteen parte-hartzea sustatzen duten eduki berritzaileak sortzea eta zabaltzea.
• Aniztasunari buruzko baliabide pedagogikoetarako sarbidea handitzea, tresna digitalen eta prestakuntza-jardueren bidez.
• Pertsona Afrikarren Bigarren Nazioarteko Hamarkadari (2025-2034) ekarpena egitea, Bizkaiaren konpromisoa justizia arrazialarekin eta berdintasunarekin indartuz.

Ekintza nagusiak 2025ean eta 2026an

Proiektua bost jarduera-ardatz nagusiren inguruan antolatzen da:

1. Bizkaia Aniztasunen Alde bideo-podcasta. 2024an podcastaren arrakastaren eta formatu bisualera egindako trantsizioaren ondoren, aurten atal berriak grabatuko dira Kamanga Influencers Club-ekin batera, lurraldeko erreferenteekin, feminismoak, arrazakeriaren aurkako borroka, aniztasun funtzionala eta sorkuntza artistikoa bezalako gaiak jorratuz. Atal bakoitza estereotipoak desegiteko eta bizikidetza sustatzeko gune bat izango da, bizipen desberdinetatik abiatuta.
2. Erakusketa ibiltaria “Mugi zaitez! Mugitu Giza Eskubideen Alde”. Ane Pikazak ilustratutako erakusketa honek Bizkaiko udalerriak zeharkatuko ditu, hezkuntza-zentroetan eta kultura-espazioetan lantzeko fitxa pedagogikoekin batera. Helburua: giza eskubideak eta aniztasunak herritarrengana hurbiltzea, modu eskuragarri eta parte-hartzailean. Erakusketa hartu nahi duzu? Jarri gurekin harremanetan: info@unetxea.org
3. “Aniztasunerako Ekosistema Digitalak”. Plataforma interaktibo bat, sortutako baliabide guztiak —podcastak, bideo-podcastak, gidak, fitxak eta dokumentalak— bilduko dituena, sarbide unibertsala bermatzeko eta ikaskuntza digitala sustatzeko.
4. Pertsona Afrikarren Bigarren Nazioarteko Hamarkadaren esparruko ekintzak. UN Etxeak konpromisoa hartzen du ekimen globalak jarraitzeko eta hamarkadari lurraldetik ekarpena egiteko.

Afrikarte: zinema eta elkarrizketa begiradak zabaltzeko

Testuinguru honetan, UN Etxeak bat egin du aurten Afrikarte ekimenarekin, Follow the party, Novisi elkartea, Perfeccionando juntas eta Asociación de Mujeres Árabes Marwa-k sustatutako proiektuarekin, Afrikako kontinenteak duen aberastasuna, sormena eta aniztasun kulturala balioan jartzeko, moda, artea, gastronomia, musika, tailer interkulturalak eta erakusketen bidez.

Horrela, urriaren 9an zinema-saioa eta Afrikako feminismoari buruzko solasaldia babestu genituen. Afrikaldia – Afrikar Zinemaren Jaialdiarekin lankidetzan, Chika Anadu zinemagileak zuzendutako “B for Boy” film nigeriarra proiektatu zen. Filmak bi ardatz nagusi jorratzen ditu: alde batetik, Nigeriako balio tradizionalen eta kultura garaikidearen arteko tentsio gero eta handiagoa; bestetik, emakumeek jasaten dituzten desberdintasun ugari, batzuetan beraien ingurune femeninoetan berretsiak.

Ondoren, feminismoan eta gizarte-eraldaketarako hezkuntzan aditua den Anita Hichaicotok azaldu zizkien bertaratuei filmeko kode kulturalak, tradizioaren eta modernitatearen arteko tentsioak islatzen dituzten egoerak, emakumeei esleitutako rolak eta dinamika horiek nola erreproduzitzen dituzten desberdintasunak, hausnarketa egitera gonbidatuz estrategia horiek zalantzan jartzeko eta eraldatzeko.

Lankidetza honek indartu egiten du UN Etxearen apustua artea eta ikus-entzunezkoak eraldaketarako tresna gisa erabiltzeko eta aniztasun afrikarrak euskal gizartearekin elkarrizketan jartzeko espazioak sortzeko, estereotipoak zalantzan jartzen dituzten eta berdintasuna sustatzen duten narratibak ikusgarri eginez.

Ekintzarako deia

Bizkaia Aniztasunen Alde sortzera, parte hartzera eta eraldatzera gonbidapena da. Bideo-podcastetatik hasi eta erakusketa fisiko eta birtualetara, tailerretatik eta nazioarteko aliantzetatik igaroz, ekintza bakoitzak gizarte bat ehuntzea bilatzen du, non aniztasuna ondare komun eta bizikidetzaren motor gisa aitortzen den.

Informazio gehiago eta baliabideak hemen: Bizkaia Aniztasunen Alde