uropako RCEen komunitateak, 2024an, ‘Connect’ saioak abiarazi zituen hilero, sarea ehuntzeko eta maila globalean lankidetza estuagoa izateko ekimen gisa.

Saio horien esparruan (ordubeteko iraupena dute), komunitate osoarentzat interesgarriak diren informazioak partekatzeaz gain, eta Europa mailan definitutako 5 lantaldeen aurrerapen-egoerari buruz eguneratzeaz gain, RCE batek bere lurraldetik jasangarritasunerako hezkuntzaren arloko proiektu esanguratsuak (20 parte-hartzaile inguru) ikus-entzuleei aurkezteko espazio bat gaitzen da.

Aurkezpen-espazio honek 20 minutu inguru irauten du, eta ondoren interakzio labur bat egiteko aukera ere ematen du, galdera/erantzun moduan.

Oraingo honetan, RCE Basque Country – Navarre – Factoria 4.7  delakoaren txanda izan zen, joan den ekainaren 25ean Europako RCEek babestutako ‘Connect’ hileroko saioa errazteko.

Bertan, UN Etxea – Asociación del País Vasco para la Unesco elkarteak iraunkortasunerako hezkuntzaren arloan Euskal Herritik sustatzen den lana Nazio Batuen Unibertsitateak onartutako Europako sareetara aurkeztu zen, eta Elkartenet Hezkuntza Elkarteak eta Asociación Zabalketak hezkuntzaren arloan egiten duten lana ezagutarazi ahal izan zuten, bereziki Zabalketaren hezkuntza-estrategia berritzailea eta Elkarteneten ekonomia zirkular, sozial eta solidarioaren programa.