Feminista zara eta gustatuko litzaizuke…

• … zure aktibismoa NBEren bihotzera eramatea?
• … nazioartean eragin feminista nola eraikitzen den barrutik bizitzea?
• … 2030 Agendaren jarraipenerako munduko foro handienean parte hartzea?
• … Bizkaian tokian toki aplika ditzakezun eragin-estrategia globalak ikastea?
• … mundu osoko emakume-sareekin eta erakunde feministekin konektatzea?
• … ikasitako guztia Bizkaiko mugimendu feministarekin partekatzea?

 

Parte hartu 2025eko High-Level Political Forum of Sustainable Development (HLPF) ekitaldian UN Etxearekin!

 

UN Etxeak, Bizkaiko Foru Aldundiko Enplegu, Gizarte Kohesio eta Berdintasun Saileko Berdintasun Zuzendaritzaren laguntzarekin, hiru emakume feminista hautatzeko deialdia zabaltzen du, 3 egunez Nazio Batuen Goi Mailako Foro Politikoan (HLPF, ingelesezko siglak) parte hartzeko.

 

EZAUGARRI OROKORRAK

HLPF Garapen Iraunkorrerako 2030 Agendaren jarraipena eta azterketa egiteko Nazio Batuen foro nagusia da. HLPF urtero uztailean ospatzen da NNUUren egoitzan, New Yorken.

 

Aurten GJH 5- Genero-berdintasuna ebaluatuko da. Esperientzia honen helburua Bizkaiko mugimendu feminista indartzea da, HLPFn hiru emakumek aktiboki parte hartuz. Hiru egunetan zehar, UN Etxeak lagunduta, nazioartean eragin feminista nola artikulatzen den gertutik ezagutu, sareak ezarri eta beren kolektiboetara itzultzeko ikaskuntzak ekarri ahal izango dituzte.

 

Esperientzia itzultzea funtsezkoa izango da haren eragina biderkatzeko. Artikulo, bideoblog, podcast, tailer edo hitzaldi forma hartu ahal izango du, parte-hartzaile bakoitzaren profil eta proposamenera egokituz.

 

• Noiz?: 5 egun, uztailaren 12tik 18ra bitartean (zehaztu beharreko datak).
• Partaidetza zer hartzen du barne?: Akreditazioa, hegaldiak, bidaia-asegurua, desplazamuenduak eta egonaldia New Yorken (dietak ez daude barne).

 

BALDINTZAK

1. Bizkaiko Lurralde Historikoan erroldatutako emakumeak.
2. Feminismoari buruzko prestakuntzak izatea.
3. HLPFren jardueretan parte hartzeko adina ingeles maila.
4. Egonaldia hobeto aprobetxatzeko, beharrezkoa izango da aldez aurretik 30 orduko prestakuntza birtuala egitea.

 

BALORATUKO DA

• Mugimendu feministaren ibilbidea eta parte-hartzea.
• Motibazio-gutuna.
• Egingo den egonaldiaren itzulketaren ezaugarriak.
• Ibilbide, esperientzia eta perspektiben aniztasuna baloratuko da, berdintasun- eta intesekzionalitate-irizpideak bermatuz.
• UN Etxearen laguntzarekin antzeko esperientziarik bizi izan ez duten pertsonek lehentasuna izango dute.

 

ESKABIDEAK TRAMITATZEKO

• Zure CVa eta motibazio gutuna honako helbide honetara bidali: berdintasuna@unetxea.org, HLPF FEMINISTA gaiarekin.
• Gutunean kontaiguzu: nor zaren, zergatik interesatzen zaizun aukera hau, nola aprobetxatuko duzu eta itzultzerakoan zein formatutan itzuliko zenukeen ikusi eta ikasitako gaiak (formatua, publikoa, ikuspegia…).

 

BIDALTZEKO AZKEN EGUNA: 2025eko maiatzaren 18an, 23:59.

 

Informazio gehiago:  berdintasuna@unetxea.org

Laguntzen du:

 

Azaleko argazkia: United Nations