IRAUNKORTASUNERAKO BIDEAK LOTZEN topaketa 2023ko ekainaren 8an izan zen Bilboko Itsasmuseumen. Topaketaren helburua harremanak estutzea eta gizarte zibileko hainbat erakunderen arteko zubiak sortzea zen. Erakunde horiek ikuspegi ekosozialetik lan egiten dute, bizitzaren eta planetaren zaintza erdigunean jartzeko. 40 pertsona baino gehiagok hartu zuten parte, eta gehienak gizarte zibileko ingurumen eta gizarte erakundeetako kideak ziren.

Topaketa hau Futuro en Común esparruan dago. Futuro en Común pobreziaren eta desberdintasunen kausa globalekin eta tokiko kausekin amaitzeko lan egiten duten askotariko sektoreetako erakunde eta kolektiboen arteko topagune bizia da, 2030 Agendaren esparruan. Hori guztia, gizarte zibil antolatuaren sektore eta eragileen arteko elkarrizketatik abiatuta, aldaketaren palanka izan dadin, garapen-politika inklusiboak, feministak, berdintasunezko demokraziak eta ingurumena eta giza eskubideak errespetatzen dituzten politikak eraikitzen lagunduz. Hain zuzen ere, topaketa hau UN Etxeak, beste erakunde batzuekin batera, 2023aren amaieran Euskal Gizarte Zibilaren lehen Topaketan abiaraziko dituen topaketa tematikoetako lehena da.

Topaketaren kontakizunak parte hartu duten erakundeen eta ekimenen aurkezpenak jasotzen ditu, baita parte hartu duten pertsonen baterako hausnarketak ere.

    Kontakizuna (gaztelaniaz)