eLankidetza-Garapenerako Lankidetzaren Euskal Agentziak bederatzi GKE lagunduko ditu, beren baitan genero-desberdintasunak ezabatzeko prozesuak eta ekintzak susta ditzaten, erakundearen funtzionamenduaren maila guztietan. Guztira, 294.533 euro bideratuko dira. Eusko Jaurlaritzak 2009an hasi zen GKEetan genero-berdintasunaren aldeko prozesuak bultzatzen. Orain arte, 51 erakunderen 80 proposamen lagundu dira.

UN Etxea da GKE horietako bat, eta genero-berdintasuna sustatzeko deialdiaren bidez laguntza jasoko du. Zehazki, laguntza II. Berdintasun Plana gauzatzera eta ebaluatzera bideratuta dago, genero-ikuspegia eta ikuspegi feminista erakundearen egituran sartzen jarraitzeko funtsezko dokumentua.

Prozesu hau urrats garrantzitsua da gure misioa indartzeko eta gure ekintzak gero eta koherenteagoak izateko defendatzen ditugun berdintasun eta justizia printzipioekin. Eskerrik beroenak eman nahi dizkiogu eLankidetzari genero-berdintasunarekiko duen etengabeko konpromisoagatik eta gizartean aldaketa iraunkor eta positiboa sortzen duten ekimenak babesteagatik.

Informazio gehiago Irekia atarian.

Argazkia: Eusko Jaurlaritza. Irekia