×

    BBK – UNESCO nazioartekotze bekak

    Bekak
    By
    Deialdia zabalik 2026ko URRIAREN 14ra arte 

     

    BBK eta UN Etxeak bi beka eskaintzen dituzte, Hezkuntza, Zientzia eta Kulturarako Nazio Batuen Erakundearen (UNESCO) Pariseko egoitzan, praktika profesional bat errazteko asmoz.

    Egingo dira, hurrenez hurren:

    (1) Gazteria sailean. (Gizarte eta giza zientzien sektorea)

    eta

    (2) Informazio eta Inklusio Digitalerako Sarbide Unibertsalaren Sailean. (Komunikazio eta Informazio Sektorea).

     

    EZAUGARRI OROKORRAK

    • Iraupena: 6 hilabeteko epea, 2027ko otsailetik uztailera bitartean.
    • 10.000€ gordineko zuzkidura ekonomikoa; horri dagozkion zergak eta bidaiako laguntza-aseguruaren zenbatekoa kenduko zaizkio.
    • UNESCOri eta Nazio Batuei buruzko prestakuntza-ikastaro bat sartu da. Formazio hau UN Etxeak emango du UNESCOn sartu aurretik.
    • Ez da inola ere sortuko kontratu-harremanik onuradunaren eta UN Etxea edo UNESCOren artean.
    • Ordainketak Kutxabankeko kontu zenbaki batean egingo dira, eta kontu horren titularra onuraduna izango da.

     

     

    1. GAZTERIA SAILEAN EGONALDIA

    Baldintzak:

    • Bizkaian erroldatuta egotea.
    • 30 urtetik beherakoa izatea.
    • Gizarte eta giza zientzietan, nazioarteko harremanetan, nazioarteko garapenean, komunikazioan, gazteen garapenean, zuzenbidean edo lotutako beste ikasketa batzuetako unibertsitate-titulua.
    • Ikasketa ofizial horiek deialdi honen aurreko 5 urteetan amaitu behar dira (7, desgaitasuna duten pertsonen kasuan).
    • Gazteek gidatutako proiektuetako prestakuntza eta/edo esperientzia, gazte-sareen koordinazioa, gazteentzako jardueren antolaketa eta gazteei zuzendutako komunikazioa baloratuko dira.
    • Ingelesaren eta/edo frantsesaren ezagutza bikaina.
    • Informatika-ezagutza onak, Word, Canva eta Excel barne.
    • Komunikazio-trebetasunak, batez ere, oharrak eta txostenak idazteko trebetasunak.
    • Talde-lanean parte hartzeko prestasun handia.
    • Lehentasuna izango dute BBK beka bat baino lehen baliatu ez duten pertsonek

     

    Eskaeren tramitazioa:

    Eskakizunak betetzen dituzten pertsonek Curriculum Vitae-a soilik bidali behar dute, ‘BBK-UNESCO Youth’ erreferentziarekin, ondoko helbide elektroniko honetara:

     

    bbkunesco.youth@unetxea.org

    Curriculumak jasotzeko azken eguna: 2026ko urriaren 14a (egun hori barne)

     

     

    2. INFORMAZIO ETA INKLUSIO DIGITALERAKO SARBIDE UNIBERTSALAREN SAILEAN EGONALDIA

    HAUTAPEN-PROZESUA

    Jasotako CV guztiak berrikusi ondoren, baldintzak betetzen dituzten eta UNESCOk proposatutako profiletara egokitzen den profil akademikoa duten hautagaiak sartuko dira hautaketa-prozesuan.

    Hautaketa-prozesuak bi zati ditu:

    • UN Etxean egindako elkarrizketa bat eta hizkuntza-proba bat.
    • Ondoren, beka bakoitzerako hautagaiak proposatuko zaizkio UNESCOri. Azkenik, UNESCOk elkarrizketa pertsonalak egingo dizkie online pertsona horiei, azkenean bekez gozatuko duten bi pertsonak aukeratzeko.

     

     

    INFORMAZIO GEHIAGO

    UN Etxea
    Isozaki Atea – Bizikidetasun enparantza
    Uribitarte pasealekua 12, 2. lokala
    48001 Bilbo

    Begoña Guzmán – Tfna. 94 427 64 32 | bbkunesco@unetxea.org

     

    *Argazkia: UNESCO