Apirilaren 21eko Eusko Legebiltzarrerako hauteskunde autonomikoak direla eta, euskal gazteriari zuzendutako hauteskunde-eztabaida antolatu dugu. Eztabaida horren helburu nagusia da esparru inklusibo eta demokratiko bat eskaintzea, euskal gazteek prozesu politikoan aktiboki parte har dezaten. Aldi berean, gazteek hauteskunde-prozesuan eta haiei zuzenean eragiten dieten alderdi politiko eta sozialetan parte-hartze aktiboa izan dezaten sustatu nahi dugu, bai eta gazteei erabaki informatuak hartzen lagundu ere. Gainera, agenda politikoan eragina izatea espero da, euskal gazteen arazo eta kezka espezifikoak nabarmentzean, eta, horrela, alderdi politikoen eta gobernuaren etorkizuneko politiketan eta ekintzetan eragina izatea.

Eztabaidan alderdi hauetako kideek hartuko dute parte:

•  EAJ-PNV: Joseba Diez Antxustegi
•  EH Bildu: Edurne Benito del Valle
• PSE-EE: Gabriel Blanco Arrue
• PP: Jaime Velasco
• Elkarrekin Podemos: Oihane Mestraitua
• Sumar: Beñat Alonso

Eztabaidan garatu nahi ditugun edukien artean, 3 ditugu: tokiko garapen iraunkorra eta garapen globala; euskal gazteriarekin lotura zuzena duten zuzeneko gaiak; eta Euskadiko gazteen parte-hartze sozial eta politikoa.

Horretarako, hauek dira erreferentziako dokumentuak:

• NAHI DUGUN ETORKIZUNA. Gizarte Zibilaren konpromisoak eta eskaerak euskal alderdi politikoei begira
• Gazteok, atrebentziaz! Euskadiko gazteen aldeko eta harekiko ituna

Eztabaidarako izen-ematea esteka

Eztabaida streaming bidez emango da eta Youtuben egongo da.

Eztabaida EGKrekin eta eCivisekin batera antolatu genuen, Etorkizun Komunaren esparruan, AECIDen finantzaketarekin.