Maiatzaren 12an, UNESCOren Eskola Elkartu Sareak (PEA Sarea) Euskadin ikasturteko hirugarren eta azken topaketa ospatu zuen, Artxandape Ikastolan egin zena.

Gertuko eta lankidetzazko giroan, parte-hartzaileek harrera egin zuen ikastetxearen gardentasun-politika ezagutzeko aukera izan zuten. Politika hori familien eskolako bizitzan duten inplikazio aktiboan oinarritzen da, parte-hartzerako espazio eta dinamika ezberdinen bidez.

Jardunaldiak, gainera, ikastetxeen arteko esperientziak partekatzeko eta hainbat hezkuntza-praktikari buruz elkarrekin hausnartzeko balio izan zuen, Euskadiko sareko eskolen arteko lotura sendotuz. Era berean, uztailean Bartzelonan egingo den estatu mailako hurrengo topaketaren antolaketan aurrera egin zen.

UN Etxeatik azpimarratu nahi dugu horrelako espazioen balioa: txikiagoak izan arren, bereziki aberasgarriak dira, ikastetxeen arteko gertuko trukea eta elkarren arteko ikaskuntza sustatzen baitituzte.

UNESCOren Eskola Elkartu Sare internazionala (PEA Sarea), 1953an sortua, hezkuntzarako eskubidea, bakea, kulturarteko elkarrizketa, garapen jasangarria eta kalitatezko hezkuntza sustatzeko konpromisoa duten mundu osoko hezkuntza-erakundeek osatzen dute. Gaur egun, 182 herrialdetako 12.000 ikastetxe baino gehiago biltzen ditu, eta UNESCOk Parisen duen egoitzatik koordinatzen da.