Factoría 4.7 eta RCE Basque Country-Navarre ekimenen aurkezpena
Datorren abenduaren 15an, 18: 00etatik 20: 00etara, Deustuko Unibertsitatean (Ellacuria aretoa) Factoría 4.7 – Garapen Jasangarrirako Hezkuntza Plataforma Iberoamerikarra eta RCE Basque Country-Navarre ekimenen aurkezpena egingo da.
Ekitaldia, Garapenerako Lankidetzaren Euskal Agentziarekin lankidetzan, jasangarritasunaren dimentsio desberdinetan hezkuntzaren arloan lan egiten duten Euskal Herriko eta Nafarroako eragileen arteko lan-sare bat indartzen laguntzeko gune bat izango da, eta, bereziki, Garapen Jasangarriaren Helburuak (GJH) integratzeari buruzko ezagutzak, esperientziak eta hausnarketak trukatu ahal izango dituzte.
UN Etxea 4.7 Faktoria – Garapen Jasangarrirako Hezkuntza Plataforma Iberoamerikarra garatzen ari da, helburu honekin: Iberoamerikan Garapen Jasangarrirako Hezkuntza eraldatzea, berrikuntzaren eta ikaskuntza partekatuaren bidez, eta, horretarako, ahalbidetu nahi da hezkuntzarekin lotura duten eragileek Garapen Jasangarrirako Hezkuntza haien hezkuntza-politiken, -planen eta -praktiken ardatz inspiratzaile gisa hartzea.
Bestalde, UN Etxea Garapen Jasangarrirako Hezkuntzarako Eskualde Zentro (RCE, ingeleraz) baten sorrera sustatzen ari da Euskal Herrian, eta Nazio Batuen Unibertsitateko Jasangarritasunerako Ikasketa Aurreratuen Institutuaren (UNU-IAS, ingelesez) aitortza jaso du. RCEa 2030 Agendarako Hezkuntzan erreferentziako espazio multieragile globaletako bat izatea du helburu.
RCE BasqueCountry-Navarre hezkuntza formalarekin, ez-formalarekin eta informalarekin lotutako erakunde-sare bat da, eta Euskal Herritik haiekin lankidetzan aritzea dugu helburu, garapen jasangarrirako ezagutza ahalbidetzeko. Halaber, UNESCOren Ekintza Globalerako Programaren parte da (#EDSpara2030).
Besteak beste, hauek hartuko dute parte:
- Cecilia Barbieri, Mundu mailako Hiritartasunerako eta Bakerako Hezkuntza Ataleko burua, UNESCO.
- Daniel Alejandro Crespo Álvarez, Ekuadorreko Hezkuntzako Ministrorde Titularra.
- José Antonio Rodríguez Ranz, Eusko Jaurlaritzako Giza Eskubide, Memoria eta Lankidetzako sailburuordea.
- Juan José Etxebarria,Deustuko Unibertsitateko Elkarteko eta 2030 Agendako errektoreordea.
