GIHak eta Giza Eskubideak ikuspegi feministatik
“GIHak eta NBEren Giza Eskubideen mekanismoak ikuspegi feministatik” infografia sorta Nazio Batuen 2030 Agendaren eta giza eskubideen mekanismoen arteko elkarrekintza nabarmentzea du helburu, GIHen ezarpena hobetzeko, ikuspegi feministatik eta giza eskubideetan oinarrituta.
Emakumeen Talde Nagusiak (WMG, ingelesezko sigletan) egin du, eta eta WMGko kideek, etabeste alderdi interesdunek, NBEren giza baliabideen mekanismoekin elkarreragiteko eta GIHak mekanismo horiekin lotuta erabiltzeko duten gaitasuna handitzea du helburu, baita elkargune horretan lan egiten duten beste erakunde batzuk aurkeztea ere.
Infografiak, 2021eko urtarriletik ekainera bitartean egindako web-mintegietan
NBEko giza eskubideen batzordeetako, gizarte zibileko nazioarteko erakundeetako eta WMGko kide diren erakundeetako adituekin partekatutako esperientzian eta ezagutzan oinarrituta garatu ziren.
UNESCO Etxeak, WMGko kide gisa, infografia horiek euskaratzen lagundu du, Guztiok Batera -Todas Juntas proiektuaren esparruan eta Garapenerako Lankidetzaren Euskal Agentziaren laguntzarekin, GIHen, giza eskubideen eta genero-berdintasunaren arteko loturak Euskadin zabaltzeko helburuarekin. Beraz, orain infografiak euskaraz, gaztelaniaz, ingelesez, frantsesez eta errusieraz kontsulta daitezke.
Infografiak:
NBEk gain hartzen dituen giza eskubideen mekanismoen artean daude:
- Emakumearen aurkako Diskriminazio Modu Guztiak Ezabatzeari buruzko Konbentzioa (CEDAW),
- Eskubide Zibil eta Politikoen Nazioarteko Ituna (PIDCP),
- Eskubide Ekonomiko, Sozial eta Kulturalen Nazioarteko Ituna,
- Haurren Eskubideei buruzko Konbentzioa (CDN),
- Arraza Diskriminazio Modu Guztiak Ezabatzeko Nazioarteko Konbentzioa (ICERD),
- Torturaren eta bestelako tratu edo zigor krudel, anker edo apalesgarrien aurkako Konbentzioa (CAT),
- Desgaitasuna duten Pertsonen Eskubideei buruzko Konbentzioa (CDPD),
- Giza Eskubideen Batzordea (HRC) eta
- Aldizkako Azterketa Unibertsala (EPU).
Informazio gehiago: Women’s Major Group
