UN Etxeak berriki argitaratu du “Gorrotoaren aurrean konfiantza eraiki. Bakerako Hezkuntzaren Nazioarteko Esparrua eta horren aplikazioa Euskadin” txostena; argitalpen honek bake hezkuntzaren arloko nazioarteko mugarri nagusiak eta haien lotura euskal testuinguruarekin biltzen ditu.

Lan hau Bakearen eta Konfiantzaren Nazioarteko Urtearen (2025) esparruan sortu da, Nazio Batuen Batzar Nagusiak izendatua, gorroto diskurtsoen hazkundearen, gizarte-polarizazioaren eta desberdintasunen aurrean hezkuntzaren rola indartzeko premia larriari erantzunez.

Globala eta tokikoa uztartzen dituen ikuspegia

Txostenak bake hezkuntzaren arloko nazioarteko mugarri nagusien berrikuspen eguneratua eskaintzen du, eta horretarako UNESCOko eta Nazio Batuen Giza Eskubideen Goi Komisarioaren Bulegoko (OACNUDH) adituen ekarpenak biltzen ditu, egungo hezkuntza-erronkei buruzko nazioarteko ikuspegi zorrotza eta eguneratua eskainiz.

Haiekin batera, txostenak tokiko adituen parte-hartzea ere jasotzen du, bake hezkuntzan eta giza eskubideetan adituak direnak; haien analisiak funtsezkoak dira esparru globalak Euskadiko aurrerapen, esperientzia eta erronka espezifikoekin lotzeko.

Euskadi munduarekin elkarrizketan

Txostenaren ekarpen nagusietako bat nazioarteko esparruen eta euskal curriculumaren arteko koherentziaren analisia da, zehazki, Oinarrizko Hezkuntzako 77/2023 Dekretuarekin. Dokumentuak identifikatzen du nola bake hezkuntzaren printzipioak —bizikidetza demokratikoa, pentsamendu kritikoa, aniztasuna, berdintasuna, herritartasun globala edo komunikabideen eta gaitasun digitalen alfabetatzea— presente dauden euskal hezkuntza ereduan, eta haien integrazioan aurrera egiteko gakoak eskaintzen ditu.

Gainera, txostenak euskal ikastetxeen tokiko esperientziak, memoria eta bizikidetzako ekimenak, eta artearekin, kulturarekin, herritartasun globalarekin eta bakearekin lotutako praktika pedagogikoak jasotzen ditu, nazioartean aitortuak izan direnak.

Txostena osorik dago eskuragarri euskaraz, gaztelaniaz eta ingelesez

Txostena