Helburu nagusia elkarrizketarako gune bat sortzea da, non bertaratzen diren guztiek aukera izango duten gogoeta egiteko, ikasteko, partekatzeko eta irtenbide praktikoak elkarrekin diseinatzeko, narratiba berri bat bultzatzeko eta, azkenik, 2030 Agendaren eta Etorkizunerako Itunaren esparruan oraina eta etorkizuna eraikitzeko herritarren inplikazioa lortzeko. Zehazki, honako hauek bilatzen dira:

• Garapen iraunkorraren erronka globalei eta tokikoei helduko dien egungo testuinguruaren azterketa eskaintzea.
• Tresnak trukatzea, estrategiak diseinatzea eta esperientzia inspiratzaileak ezagutzea, herritarrek, bereziki gazteek, etorkizun jasangarria eraikitzeko prozesuetan parte-hartze aktiboa izan dezaten, bai eta horiekin lotutako erronka nagusiak ulertzea ere.
• GJHak herritarren eguneroko errealitateekin lotuko dituzten narratiba berriak sortzeko gakoak aztertzea, garapen jasangarriaren balioen jabetzea bultzatuz, ekintzarako inspirazioa eta mobilizazioa emango duen ikuspegi plural eta eraldatzaile batetik.