Joan den ekainaren 16an, UNESCO Etxeak, Gizarte Eraldaketarako Kulturaren arduradun Begoña Guzman-en bitartez, «Kulturak Garapen Jasangarriko Helburuak lortzean duen eragina» izeneko online aktore anitzeko tailerran parte hartu zuen. Topaketa hori Eskubide Sozialen eta 2030 Agendaren Ministerioak eta REDSek antolatu zuten. Topaketaren helburua estatu espainiarreko hogei aditu baino gehiagoren iritziak biltzea izan zen, batez ere bi gairen inguruan:

• Kulturak GIHen aurrerapenean duen eragina ikusarazteko moduak aurkitzea.
• Bi urtean behin Nazio Batuen Erakundean aurkezten diren borondatezko txostenetan sinergia horiek ikusarazteko dauden tresnak, oztopoak edo erronkak identifikatzea.

REDSeko presidenteak, Leire Pajín eta 2030 Agendarako Estatu idazkariak, Enrique Santiago ireki zuten tailerra. Alfons Martinell, Kulturan eta Garapenean adituak hitzaldi bat eskaini zuen. Administrazio publikoko, sektore pribatuko eta hirugarren sektoreko kulturako profesionalek parte hartu zuten tailerrean, GJHetan kulturaren zeharkakotasunari buruz hitz egin zuten, eta 2030 Agendaren emaitzen kontuan kultura-sektorearen ekarpenen presentzia nola indartu.

Ondorioetako batzuen arabera, kultura-sektorean garapen jasangarriko adierazle-sistema bat sortu eta garatu behar da, kultura-eragileek erraz eskura dezaten, eta horren emaitzak Agenda 2030 inplementatzeko borondatezko txostenetan sar daitezen. Era berean, kultura-eragileentzako garapen jasangarriaren gaietan prestakuntza eta gaikuntza handiagoa behar dela adierazi zen.

Tailerreko ideia nagusiak laburpen-dokumentu honetan bildu dira: : El impacto de la cultura en los Objetivos de Desarrollo Sostenible.