UN Etxeak, Eusko Jaurlaritzako Giza Eskubide eta Biktima Zuzendaritzaren laguntzarekin, onlineko ikastaro hau antolatu du: ‘Klima krisia eta giza eskubideak’. 2024ko maiatzaren 20tik ekainaren 23ra izango da eta 30 orduko iraupena izango du. 

Helburuak

• Klima krisia aipatzen dugunean zeri buruz ari garen ulertzea.
• Klima krisiaren ondorioak eta giza eskubideak estu lotuta daudela identifikatzea.
• Ulertzea klima krisiak ez diela berdin eragiten pertsona guztiei.
• Lankidetzak giza eskubideen eta ingurumenaren alorrean dituen erronkak identifikatzea.

Norentzat

• Gizarte zibileko erakundeetako partaideak (profesionalak nahiz boluntarioak), hala nola GGKE-etakoak, giza eskubideen alorrekoak, ingurumenaren alorrekoak, emakumeen alorrekoak, immigrazioaren alorrekoak eta abar.
• Giza eskubideen, garapenerako lankidetzaren eta/edo garapen jasangarriaren alorrean lan egiten duten erakundeetako partaideak, izan erakunde horiek publikoak, pribatuak nahiz akademikoak.
• Ikasleak eta interesa duten gainerako pertsonak.

 

Ikastaroan gehienez 30 pertsonak parte hartuko dute.

Doako ikastaroa.

Aurretiko izen-ematea: Maiatzaren 13ra arte.

Behin betiko plazen esleipena: Maiatzaren 15ean.

 

Formakuntzan Dalila Arguetarekin online saio bat egingo da: “Giza eskubideak defendatzearen prezioa: inpaktuak gorputzetan eta lurraldeetan” (ekainak 18, 20:00).

Edukiak eta metodologia

Izena emateko formularioa

 

Informazio gehiago: Nekane Viota. n.viota@unetxea.org