NBEk guztientzako kalitatezko hezkuntza inklusiboa eta ekitatiboa sustatzeko aldarrikatutako Hezkuntzaren Nazioarteko Eguna zela eta, 4.7 Mugimenduak “4.7 xedean aurrera eginez: Herritartasun Globalaren erronka politika publiko komun eta partekatu gisa” jardunaldia antolatu zuen urtarrilaren 24an, Nazioarteko Lankidetzarako Espainiako Agentziaren eta lan-ildo horri heltzen dioten arloetako hainbat autonomia-ordezkariren presentziarekin.

Jardunaldia La Corrala Kultur Zentroan egin zen, Madrilen, eta Garapen Iraunkorrerako Hezkuntzak eta Herritartasun Globalak lantzen dituzten politika, gai eta eskumenei buruzko sektore arteko elkarrizketa ezartzea izan zuen helburu. Topaguneak eta proposamenak ezarri ziren gizarte zibileko, hezkuntza-komunitateko eta administrazio publikoetako eragileen artean, Garapen Iraunkorreko Helburuetan ezarritako 4.7 xedea lortzeko bidean aurrera egiteko.

Arratsaldeko saioan, 4.7 Mugimenduaren bigarren osoko bilkura egin zen. Askotariko sektoreen arteko (GKEak, herritarren mugimenduak, plataformak, sareak eta sindikatuak) elkartze eta eraikuntza kolektiborako gunea da, eta lidergo kolektibo batetik ekintza politikoa bultzatzen du, Espainian Herritartasun Globalerako Hezkuntza toki-, autonomia- eta nazio-mailan txertatzeko, neurtzeko eta behar bezala finantzatzeko beharraren inguruan.

UN Etxea 4.7 Mugimendua koordinatzen duen taldeko kidea da, eta duela gutxi argitalpen hau egiten lagundu du: Ser y Saber: Perfil docente para el Desarrollo Sostenible y la Ciudadanía Global.

Basque Country – Navarre RCEko hainbat erakunde 4.7 Mugimenduko partaide aktiboak dira eta jardunaldian parte hartu zuten.